पर्साको पोखरियामा दुःखद घटना: हजुरबुवाको हत्या आरोपमा दुई जना पक्राउ

दिपेन्द्र बि.सी.

वीरगंज, २४ पुस ।  पर्साको पोखरिया नगरपालिका–८ जगतपुरमा ८० वर्षीय रामजान देवानको हत्या आरोपमा उनका नाति र नातिनी पक्राउ परेका छन्। प्रहरीले मंगलबार २० वर्षीया खुश्बु खातुन र १८ वर्षीय काबुल देवानलाई नियन्त्रणमा लिएको हो।

पर्सा प्रहरीका प्रवक्ता, प्रहरी नायब उपरीक्षक किशोर लम्सालका अनुसार घरायसी विवादको क्रममा सोमबार राति रामजानमाथि कुटपिट गरिएको थियो। गम्भीर घाइते रामजानलाई वीरगञ्जको हेल्थ केयर हुँदै न्युरो अस्पताल लगिए पनि उपचारको क्रममा मंगलबार बिहान मृत्यु भएको बताइएको छ।

प्रहरीले घटनाको अनुसन्धान अघि बढाएको छ भने यस घटनाले स्थानीय क्षेत्रमा शोक र आक्रोश छाएको छ।